નીરવતા જ્યારે...

નીરવતા જ્યારે વાક ધરે

અંતર્જ્ઞાન સ્ફૂરણા બને

સત્યવચનો હૈયે ઊગે

નમનીય બુદ્ધિ અનુસરે... 

નીરવતા જ્યારે સ્વીકાર પામે

દિવ્યશાંતિ દેહે શ્વસે

આધાર પ્રભુકાર્ય આરંભે

ગ્રહણશીલ અસ્તિત્વ બને... 

નીરવતા જ્યારે સક્રિય બને

પ્રતિભાવ મૂક ઓગળે

વલણ નીરવ નિશ્ચલ વહે

સ્વરૂપ ચૈત્યે આરૂઢ રહે... 

નીરવતા જ્યારે જીવન ઓઢે

સ્પર્શ્યું સઘળું સ્થિર સ્થાપે

રૂપ સર્વે, મૂળમાં પેલટે

'મોરલી' દિવ્યસંધાન કાયમી મૂકે...

નીરવતા એટલે, 
ઠાલુ મૌન નહીં. 
અશબ્દી સંવાદ નહીં. 
વણબોલ્યો ઘોંઘાટ નહીં. 
સાંકેતિક, પર્યાય નહીં. 
શુષ્ક વિરોધ નહીં.

નીરવતા એટલે, 
નિઃશબ્દ ઊપસ્થિતિ... 
વાકની અગ્રીમ સ્થિતિ... 
સમૂચય વ્યક્તવ્ય ગણની મૂળ સ્થિતિ... 
આંતરિક અને બાહ્ય નિરવ અનુભૂતિ... 
ઊચ્ચારની કેન્દ્ર સ્થિતિ...

નીરવતા એટલે, 
શાંતિની બાંહેધરી... 
સ્વસ્થતાની કડી... 
સમતાની દોરવણી... 
સ્વીકારની પૃષ્ઠભૂમિ... 
સંવાદિતાને ઘડતી...

પૂર્ણયોગનો આધ્યાત્મ કહે છે કે અભીપ્સા એ નીસરણી છે. આધ્યાત્મનાં દરેક જરૂરી પગથિયાં ચડાવતી અને અજાણમાં વપરાયેલાં બિનજરૂરીને ઊતરાવતી...

નીરવતા આત્મસ્થિત થવી, એ અભિપ્સુ અસ્તિત્વને પરમચેતનાનો જવાબ છે. નીરવતા નથી તો શાંતિ નથી ને તો સાધકની આધાર બનવાની શરૂઆત નથી. 

પ્રાથમિક પગલું નીરવ શાંતિમાં સમાયેલું છે. 
અહીં નીરવ થવું એટલે નિષ્ક્રિય, શૂષ્ક કે નીરસતાની સ્થિતિ નથી.

આ નીરવતા, 
વિસંવાદી પણ સંવાદિત છે. 
સક્રિય અને સભર છે. 
જ્ઞાન અને સ્ફૂરણા ખેંચી લાવતી છે. 
નવીન સ્તરોનો પ્રવાસ કરાવતી છે. 
નાવીન્યમાં આસ્થા અને બળ દેતી છે.

વિનમ્રતામાં ઊજળતી છે. 
નમનીયતા, અહોભાવને ઓઢીને બેઠેલી છે. 
કૃપાબક્ષી છે એટલે સ્થાપિત થયા પછી સ્થિત રહે છે. 
કશુંય યોગ્ય ચૂકી જવાતું નથી કે કશુંય અયોગ્ય સંગ્રહ થતું નથી. 
એ પ્રકારની સ્વચ્છતા એની તકેદારી છે અને ભૂમિકા પણ...

નીરવ નીરવતામાં શુભ સવાર...

પ્રણામ...

- મોરલી પંડ્યા 
ડિસેમ્બર, ૨૦૧૬

Flower Name: Passiflora Incarnata X cincinnata 'Incense'
Passion flower
Significance: Silence
The ideal condition for progress.
Silence is the condition of the being when it listens to the Divine.
In silence lies the greatest receptivity. And in an immobile silence the vastest action is done. Let us learn to be silent so that the Lord may make use of us.
With words one can at times understand, but only in silence one knows.
This power of silence is a capacity and not an incapacity, a power and not a weakness. It is a profound and pregnant stillness. Only when the mind is thus entirely still, like clear, motionless and level water, in a perfect purity and peace of the whole being and the soul transcends thought, can the Self which exceeds and originates all activities and becomings, the Silence from which all words are born, the Absolute of which all relativities are partial reflections manifest itself in the pure essence of our being. In a complete silence only is the Silence heard; in a pure peace only is its Being revealed. Therefore to us the name of That is the Silence and the Peace.