1100th...ધન્ય પ્રભુ આવી ક્ષણો...

ધન્ય પ્રભુ આવી ક્ષણો આપી

સુક્ષ્મ ઘણી પણ સક્ષમ આપી

સમજ સરખી ખૂંપી આપી 

જીવનદ્વારની જાણે કૂંચી આપી...

તન-બુદ્ધિને જવાબદારી આપી 

મન-હ્રદયે સ્વસ્થ-સમતા આપી

પ્રભુકાર્યની સાધના આપી 

જીવનગહને મુક્તિ આપી...

સહ્રદયી ને સંસ્કારી આપી

જીવને જીવતરે વૃદ્ધિ આપી

તકમાં દર પલટાવી આપી 

ઊત્કૃષ્ટ 'મોરલી' ખેપ આપી...

ધન્ય ધન્ય! પ્રભુ, આ દિન પામી!

આમ આ નવજીવન પામી

પૃથ્વી પર એક લટાર આવી

તવ હાજરીભર હ્રદય ધબકાવી

પળપળ તુજ ચરણે સમાવી

...ધન્ય ધન્ય! પ્રભુ, આ દિન પામી!

ભીતર વહેતો દરિયો પીછાણી

મનઊર્ધ્વેથી અસ્ખલિત વહાવી

ખરી કરુણાનો સ્વાદ ચખાવી

પળપળ તુજ ચરણે ધરાવી

...ધન્ય ધન્ય! પ્રભુ, આ દિન પામી!

આવા પાલ્યને ખોળે જન્માવી

ભાંડુ, સાથી, દિવ્યબાળો સથવારી

આ વ્યક્તિને તેં તારી સ્વીકારી

પળપળ તુજ ચરણે ઊજાળી

...ધન્ય ધન્ય! પ્રભુ, આ દિન પામી!

આભારી બસ! મસ્ત પ્રવાસી

ક્ષણક્ષણ દિપે તવ સ્તુતિ માંહી

કૃતજ્ઞી 'મોરલી' ધન્યભાગ્ય-ઘડી

પળપળ તુજ ચરણે વહાવી

...ધન્ય ધન્ય! પ્રભુ, આ દિન પામી!

*ઓક્ટોબર, ૨૦૧૫

આભાર પ્રભુ...

પ્રણામ...

- મોરલી પંડ્યા  

જાન્યુઆરી, ૨૦૧૭

Flower Name: Mereremia tubero, Wood rose, Yellow morning glory, Spanish woodbine, Hawaiian wood rose 

Significance: Mental Gratitude

The gratefulness of the mind for what makes it progress.