આ ભાવ પ્રધાન પરમ ...

‘આભાર’ની દિવ્ય ધાર પકડ, એ વૃત્તિને સંસ્કાર સમજ,

નાની મોટી તક ઝડપ, વારે તહેવારે અનર્ગળ અનુભવ,

જીવનની એ નાડ પરખ, અઢળક સમૃદ્ધિ ચોકોર સમસ્ત,

નિર્માણનું અવકાશ ગણ, જીવંત રાખ ધન્યભાગ્ય ધગશ.

હાર્દ એનો અધ્યાત્મ મર્મ, મનકોષને સમ અભ્યાસક્રમ

અહંને ફરજિયાત નરમ કરતો આ ભાવ પ્રધાન પરમ

વૃદ્ધિ જીવ ની સંસાર સફર, દર તંતુ મુદ્દે ધન્યવાદ કર,

અદ્રશ્ય જગતની કોને ખબર, અહીં જરૂર વિકાસ અવસર.

મળશે ન લહાવો મૃત્યુપર્યંત, મળ્યું એ મ્હાલ ઝુકી શીશનમન

જે કંઈપણ છે એ સંગે નતમસ્તક, પળ પળ સંપૂર્ણ સહર્ષ!

પ્રભો ... પ્રભો ...

ઓક્ટોબર ૨૦૧૯

Flower Name: Ipomoea carnea

Significance: Gratitude

It is you who open all the closed doors and allow the saving Grace to enter