અનિવાર્ય 'યાત્રાપ્રવાસ'...

પ્રભુનું એક કર કામ, વિના એકે શિરપાવ,

માન દ્રઢતાથી એને અનિવાર્ય 'યાત્રાપ્રવાસ',

કરવો જરૂરી વરસમાં એક, બસો કે હજાર,

જેવો જેનો ઊંડો અડગ વિશ્વાસ, એટલીવાર,

શરતી ન બનાવવો, આ કે તે વળતર સાથ

કે એ કરણની અસર હશે આ કે તે પરિણામ,

કે અપેક્ષિત ફળ ને અપેક્ષાભરી બક્ષિસ માંગ

બસ! પ્રભુ ખાતર. થતો એથી ખુદ પર ઉપકાર,

મર્યાદિત મન સતત વ્યસ્ત, માંડે વ્યર્થ હિસાબ

ગણિત મૂકે = “આ કાર્યથી શું ફાયદો, શું લાભાલાભ?

હું માણસ મહાન. મારી વિશિષ્ટતા માટે લાખો આકર્ષાય,

લોક મોંહમાંગ્યા કેટકેટલા ચૂકવે મને પ્રત્યેક કલાક!”

ભલા માણસ! તું પહોંચ્યો જ પ્રભુ દેન થકી આજ

જયાં છે ત્યાં, એ સર્વે એની જ કૃપાથી સર્વ વિકાસ

જરા સરખું શીશ નમાવ, શ્રેયકર તો એ જ ગમે તે માન!

અગત્યનો એ પણ સંબંધ, મોખરે ને મહત્વનું હોવું એ સ્થાન.

પ્રભુ, પરમ કરુણામય ને ધૈર્યવાન!

મલકે ક્ષતિ બુદ્ધિ પર ને છતાં દેતો સાથ...

પ્રભુ પ્રણામ...

ઓક્ટોબર ૨૦૧૯

Flower Name: Coreopsis tinctoria

Tickweed

Significance: Cheerfulness in Work for the Divine

Work for the Divine and you will find an ineffable joy filling your being.