કેવું અજોડ છે...

કેવું અજોડ છે આ સગપણ!

જન્મોજનમ સમર્પણનો સંબંધ!

જન્મેજન્મે સમજાય આ ગોઠવણ,

વધું ઊંડો તીવ્ર થતો જાય આ સંપર્ક!

અનુભવે આવે જરૂરી સમજણ

ઘડાતો ઘડાતો બને ડાહ્યો-પક્વ જણ

જ્યાં સુધી ન માને, છે એ હરિ-અંશ,

ઘટમાળ દોરી જાય ને ભંગાવે ભ્રમ!

એક સમય તો આવે જ, તૂટે અહં

સર્વસ્વ સામે હારે હોડ ને મૂકે ચડસ!

પ્રભુ જ સર્વોચ્ચ! સ્વીકારે વિના પ્રપંચ,

છોને હોય છેલ્લો શ્વાસ ને અંતિમ સમજ!

એ સાથે ‘મોરલી’, ધરે સર્વ જીવન પ્રભુચરણ,

જીવ યાચે માફી થકી, માંગે જીવન તર્પણ…

- મોરલી પંડ્યા

નવેમ્બર ૨, ૨૦૧૪