એ સાચો પ્રેમ!

નરમ, મુલાયમ, સુંવાળો પ્રેમ!

ફેલાય અરસપરસ, રેલાય સાચો પ્રેમ!

અમીજળ આંખો ને શીતળ મન,

ન્યોછાવર પ્રાણ, હ્રદય મલકાવે પ્રેમ!

પ્રતિસાદે ઊભરાય છળછળ પૂર,

પાકતો, પકવાતો સાચો પ્રેમ!

અડચણો વચ્ચે પણ સરકે વહેણ,

ન રૂપ-રંગ બદલે કદી સાચો પ્રેમ!

તીવ્ર, નિષ્ઠ ભાવ! ભલે ભિન્ન દેહ!

જાત લૂંટાય પણ ન ખૂટે સાચો પ્રેમ!

જ્યાં બન્ને પક્ષે ગ્રહણશીલ ચોખ્ખો પ્રેમ,

સગપણ કોઈ પણ ‘મોરલી’, નિશ્ચિત એ સાચો પ્રેમ!

- મોરલી પંડ્યા

નવેમ્બર ૨૫, ૨૦૧૪