આ પ્રેમ જે તેં લખલૂટ...

શુદ્ધ મબલખ વહેંચાયો, પછી આરપાર છે નીકળ્યો

આ પ્રેમ જે તેં લખલૂટ દીધો, હવે તારા સુધી પહોંચ્યો…

શીખ્યાં પ્રેમ વફાદારીમાં, પછી યોગ્ય રસ્તે છે વળ્યો

સંબંધોની સુગંધ માણી, હવે વહેણમાં સ્થિર ચાલ્યો…

આડુઅવળું બધું નકાર્યું, પછી પ્રેમને જ પ્રેમ છે દીધો

અભ્યાસ એકાગ્ર નિષ્ઠાનો, હવે તીરથી જેમ, છૂટ્યો…

લેણદેણ લેવડ-દેવડ, પછી તમ ભણી ઊંચે છે ચડ્યો

સ્વીકાર્યો, ચીંધ્યો તમે, હવે જ્યોતમાં રૂપાંતર પામ્યો…

ખીલી ખીલીને ફુવારો પછી સતરંગી ચોમેર છે પ્રસર્યો

દૂર દૂર સુધી વિસ્તરી હવે ઊર્ધ્વ ભેદતો નિખર્યો…

પ્રભુ આ પ્રેમ તેં કેવો અદભુત, અથાગ છે ઘડ્યો!

નમે ‘મોરલી’ તમને ને જેણે ભિન્ન સ્તરોમાં માણ્યો…

- મોરલી પંડ્યા

નવેમ્બર ૧, ૨૦૧૪