જાતને હાંશિયામાં...પાનેપાને!

જાતને હાંશિયામાં મૂકી દો,

સ્થળ, સંજોગ, સંબંધનાં પાનેપાને!

દરેક હાંશિયામાં વહેંચાતાં રહો,

લખાણ-વિષય સાથે પાનેપાને!

હાંશિયામાં રહેવાં ટેવાતાં રહો,

ટેવ જરૂર ખેંચશે અંદર પાનેપાને!

હાંશિયાને કુદી જતાં-આવતાં રહો,

આ-થી પેલેપાર, કટોકટીમાં, પાનેપાને!

હાંશિયામાં રહી આખું પાનું જુઓ,

અભેદ દ્રષ્ટિ-વલણ કેળવો,પાનેપાને!

પાના પર રહી હાંશિયો બનતાં રહો,

ઓતપ્રોત છતાં અલિપ્ત ‘મોરલી’ પાનેપાને!

- મોરલી પંડ્યા

નવેમ્બર ૧૧, ૨૦૧૪