મને તો... સુખ...

 મને તો વિશ્વ મળ્યાંનું સુખ,

મને તો બ્રહ્મ બન્યાનું સુખ,

આ મનનાં ઝરુખેથી વિલીન થયાંનું સુખ… મને તો…

મને તો દેહ મળ્યાંનું સુખ,

મને તો સ્ત્રોત બન્યાંનું સુખ,

આ હ્રદયનાં ભોંયરેથી પોકાર્યાંનું સુખ… મને તો…

મને તો મતિ મળ્યાંનું સુખ,

મને તો કરણ બન્યાંનું સુખ,

આ જન્મનાં લક્ષ્યને સહર્ષ જીવ્યાંનું સુખ… મને તો…

મને પ્રભુ કૃપા મળ્યાંનું સુખ,

મને પ્રભુ પ્રેમ બન્યાંનું સુખ,

સ્વ-સમસ્ત એકરૂપ ‘મોરલી’ જીવાતું અનેરું સુખ… મને તો…

- મોરલી પંડ્યા

નવેમ્બર ૮, ૨૦૧૪