તારી જ આપેલી...

આ ક્ષણો ભર, તું તારી

તારી જ આપેલી, તારાંથી!

ન સમજાતી કે પકડાતી, પછી

વિગત બનશે તારાં વિનાની!

ભાગતી ફરશે અહીંતહીં પાછી

ભરી દે, છે તારી જ આપેલી!

ઘણું ખેંચે છે ચારે દિશાથી

ખોવાય એ કરતાં, ભરી દે તારાંથી!

ભરાતાં ભરાતાં જ આવશે પછી

એક સમયે, બનેલી જ તારી!

તારાંથી જ; ભરેલી ને વિસ્તરતી

સમગ્રમાં જોડતી, તારી જ, તારાંથી!

ક્ષણો ક્ષણો ભરી, તું તો ભવ ભરતી!

તો લે, આપેલી ધરાવે તને, ‘મોરલી’ તારી …

- મોરલી પંડ્યા

નવેમ્બર ૧૭, ૨૦૧૪