વ્યક્તિ છો, વ્યાખ્યા નહીં...

કશું-બધું વ્યાખ્યામાં ન બાંધશો,

નહીં તો, એને બદલતી રાખજો,

એને ભૂલીને, નવી બનતી રાખજો,

એને વહેતી, ફાંટામાં વહેંચાતી રાખજો,

સમય સાથે બદલાવમાં, બદલતી રાખજો,

એના પરિઘને મોકળાં ને ખુલ્લાં રહેતાં, રાખજો,

એને મનનાં માપદંડ ને પ્રમાણમાં બિન-મૂલવતાં રાખજો,

એ પરિવર્તનમાં જાત નહીં, વ્યાખ્યા બદલતી રાખજો,

એ બદલાયેલીને પણ, ‘મોરલી’ રેલાવતી રાખજો,

વ્યક્તિ છો, વ્યાખ્યા નહીં, વિલીન થતી રાખજો...

-         મોરલી પંડ્યા

જૂન ૧૪, ૨૦૧૪