‘અર્ચના’ અને હે દિવ્ય મા!

એનું જીવન-રક્ષણ તમે છો, ને

દરેક ક્રિયા-કર્મ-કર્તા પણ તમે જ!

સંબંધોમાં સગપણ તમે છો, ને

માન-સન્માન-મર્યાદા પણ તમે જ!

હવે તો એનું સંપુર્ણ વિશ્વ તમે છો, ને

ચાંદ-તારા ને સૂર્ય પણ તમે જ!

ફક્ત દોહિત્રો-દોહિત્રી જોતાં, આંખોમાં ચમક સાથે મૂંગા આશીર્વાદ છે!

બાકી સર્વે જણ; પરિજન કે પરિચિત હવે એને તમ સ્વરૂપ જ છો!

એ ‘અર્ચનામા’ના ખોળામાં લીધેલ આ જન્મ છે,

એથી જ તો જીવંત જિંદગી ને જીવતરની શીખ છે!

લો, આ મૂક્યો અમે, એ સંબંધનો તંતુ,

ને સોંપ્યો તમને એ રુણનો દરિયો…

પામે એ દિવ્ય આત્મા! મુક્તિ તમ દિવ્ય શાંતિ કૃપાપ્રભાવ કેરી,

ને મા…તારો વ્હાલો ખોળો, હેત-વાત્સલ્ય-સત્ય-પ્રકાશથી ભરેલો!

હા!...મજબૂત છે મા…તમ સાથે આ જન્મદાતા-માનું જોડાણ-અનુસંધાન,

ને અમે ‘મોરલી’ બસ! નતમસ્તક તમો બંનેને; આ ‘અર્ચના’ અને હે દિવ્ય મા!

-         મોરલી પંડ્યા

જૂન ૧૭, ૨૦૧૪