બનો સરનામું સક્રિયતાનું...

બનો સરનામું સક્રિયતાનું
કર્તવ્યનું  રહો પળ પળ ઠેકાણું,
ભાગતું ફરવું, ભગવું ઓઢવું,
વ્યર્થ શાને જીવન ઢોવું!

સ્વાર્થ નહીં પરમાર્થ માણવું,
અહં, અભાવ મૂકી કરતાં રહેવું,
અક્રિયમાં, પ્રારબ્ધ ન ઘટતું,
કોઈ ને કોઈ રીતે જરૂર વળતું!

નિશ્ચિંત થઈ આગળ વધ, તું
લેખાં જોખાં કોરે મૂક, તું
સાફ મન ને ચોખ્ખાં ઊદ્ધેશ્યનું
પાલન કર, થાક્યાં વગર, તું!

સાચો ત્યાગ જ એ! જાણી લે તું,
સમજને એમાં ગોઠવી જાણ તું,
હરિનો ભાવ ધરી કર્મ કરવું,
’મોરલી’ શાને અમથું સમજમાં મથવું!

-         મોરલી પંડ્યા

માર્ચ ૧૪, ૨૦૧૫