આભાર શું માનું તારો...

મા…
આભાર શું માનું તારો,
ટુકડો છે, તારાં જ જીવનો,
છે તારો જ અંશ પાક્કો,
તારો જ તારાંથી છે જીવતો!

મનબુદ્ધિ દઈ શણગાર્યૉ,

જરા દેહ જુદો પહેરાવી દીધો.

હ્રદયથી તવહ્રદયે જોડાયેલો,

તારો જ અભિન્ન વંશ છે આતો.

ઘડીઘડી સમર્પિત રહેતો,

ભેદ-ભ્રમથી છૂટેલો, ખુલ્લો!

તમ અણુ ભાગ, સાચુકલો.

તારાં પ્રેમ-ચેતના એ જડી દીધો.

જુદાં આકાર વેષે છે દેખાતો,
જણ કણમાં અનન્ય શ્વસતો!
'મોરલી' મહીં-તહીં સર્વસ્વ ઓ!
જગ અંશઅંશ તુંજથી ભરાતો!

-         મોરલી પંડ્યા

માર્ચ ૩૦, ૨૦૧૫