ચોખ્ખાઈનું મહત્વ...

આંતર બાહય ચોખ્ખાઈનું મહત્વ

ન ઓછું, ઊણું કે જવલ્લે મૂલ્ય

આંકવું સર્વોપરી સદાય, અચૂક

એક સમયે એ જ જીવાદોરી નિશ્ચિત

સફાઈ નોતરે નવીન અનન્ય

રિક્ત કરે સ્થાનો, અકારણ વ્યસ્ત

જળસ્નાન ને ચેતનાસ્નાન અજળ

અનિવાર્ય નિશદિન વિના રોધ

સ્વસ્થ સરળ સહજતું સ્વાસ્થ્ય

ને બક્ષે દિવ્ય સંધાન અદમ્ય 

રહે આનંદનું રહેણાક નિરંકુશ

મળવે અભીપ્સા-અવતરણ નિસરણી આદ્યંત...

જય હો પ્રભો!

ડિસેમ્બર ૨૦૧૯

Flower Name: Convallaria majalis

Lily of the valley

Significance: Power of Purity

Purity is the best of powers.

ને સર્જાશે જો!

બહુ ના વિચાર! એક ડગલું ઉપાડ

નિષ્ઠાભરી પા પા પગલી તો માંડ

જોજનો,ભવોનાં કુદાશે આપોઆપ

નથી અહીં કોઈ ગાણિતીક હિસાબ

કે ચોકઠામાંથી નીકળતો જવાબ

કે આધારિત અટકળ, અનુમાન!

ગમે તે હો પરિસ્થિતી કે સમાધાન

સ્થિતી, કીર્તિ, ઉપલબ્ધિ કે સંગ્રામ

નથી કોઈ સમીકરણ કે સિદ્ધીકમાન

નિર્દોષ નિર્મળ નિશ્ચિંત લગનીલગાવ

પ્રભુનિશ્રામાં સ્વપ્ન, નિંદ્રા, જાગ્રતભાગ

અસર લસરકો યે નહીં એ સિવાય!

ને સર્જાશે જો! કેવાં અકળ અનાયાસ

યોગાનુયોગ જાણે! નક્કર સંયોગ ચઢાણ

ને અનુભવાશે જીવતેજીવત જીવંત પરિણામ...

પ્રભુ પ્રણામ...

નવેમ્બર ૨૦૧૯

Flower Name: Plumeria rubra

Frangipani, Temple tree, Nosegay, West Indian jasmine, Pagoda tree   

Significance: Psychological Perfection on the way to Fulfilment

The state of those who take up the Yoga seriously

અયોગ્ય નથી ...

અયોગ્ય નથી રતિક્રિડા કે ભોગ સંભોગ ચેષ્ઠા

ઘડી, ઘટના, ક્રિયા! તેમ સમાગમની પણ જગ્યા

માનવજાતનાં સર્વાગ વિકાસને આ તબક્કો જાણવો અનિવાર્ય

પણ યાદ રાખવું જરાક! સંતોલન હોવું - એ બુનિયાદ

બરબાદી નોતરે રમમાણ! હાવી થઈ તોડાવે યથાયોગદાન

ઉર્જાનો ભલે સ્ત્રોત મનાય હકીકતે વ્યય, ખર્ચ માંગે બેહિસાબ 

કાબુ કરે સંપૂર્ણ દેહ મન મતિ પ્રાણ ભાન

સતત રાચે કલ્પન ક્રિડામાં આતુર ઇન્દ્રિયો ને ચેતા જાળ

આત્માનું ભૂલાવે જાગૃત અનુષ્ઠાન ને પોષાવે સંસાર પ્રભાવ

આંતર છૂટે ને છોડાવે ભીતરનો અનુસાશક સમ્રાટ

સમય આવ્યે જ થતો હોય છે માંહ્લલો સભાન

જ્યારે અન્ય સંસાધનો લઈ શક્યાં હોય જરુરી બદલાવ

અંદેશો આવતો રહે જ્યારે એ અર્પણ અનિવાર્ય

બસ! મૂકતાં રહેવું, કરવાં ચેતનાનો ઉદ્ધાર

પ્રભુ સ્મરણ સમર્પણ હંમેશ પથ પ્રકાશ...

નવેમ્બર ૨૦૧૯

Flower Name: Lupinus

Garden lupine, Lupine

Significance: Stages to the Supreme

We will go through as many stages as necessary, but we will arrive.

સહસ્ત્ર પરિણામ ...

સંસાર મધ્યે: ન વ્યસ્ત ન અલગાવ

પૂર્ણ પર્યાપ્ત. ન કોઈને કોઈ ફરિયાદ.

વાહ મા! આ તુજનો જ નક્કર આવિર્ભાવ

મનુષ્ય મેદનીમાં ક્યાંથી આવો અવકાશ?

તવ કર્યું જ હોય આવું ઠોસ પ્રાવાધાન

નહીં તો કોઈને કશુંક જરુર કનડે ક્યાંક!

સરળ થતાં રસ્તાઓ ને સ્થાન, ભાન

જે જે મળતાં રસ્તે, મેળવે સમાધાન.

તવ કર્યું જ હોઈ શકે સહસ્ત્ર પરિણામ

એક તીરે પ્રગતિ પામે અક્ષૌહિણાં નિશાન

લે મૂક્યું તવ ચરણે : સાન ભાન ધન વિધાન

તુજથી તુજનો ઉદ્-ભવે સાક્ષાત્ આવિષ્કાર...

પ્રભો પ્રણામ!

નવેમ્બર ૨૦૧૯

Flower Name: Begonia 

Significance: Integral Balance

It multiplies itself so as not to be static.

શરમ શાને ... સંકોચ શાનો?

વાસના શાને અર્પણમાં બાકાત?

સંવનન પણ પામે એમાં સ્થાન.

તદ્દન એ જ ક્ષણે થવું અર્પિત પ્રદાન

પ્રક્રિયા મધ્યે શ્રી માને આહ્વાન

જુઓ ઓગળતી ગતિ...સમાપ્ત!

જોશ, રોષ, શાંત. દેહ સત સભાન.

શાને ન દર ‘એ’ ‘એ’ ક્ષણે પોકાર?

શાને દમન, શમનનાં વિકૃત ઉપચાર?

શરમ શાને જયાં જગજનની સાથ

સંકોચ શાનો? મિત્ર, માર્ગી, સખી માન!

છૂટી છોડે એ તત્વ આપોઆપ

મૂળેથી નીકળી ઉર્જાને સંચારે ઉર્ધ્વધામ

બસ! ખુલ્લાં થવું જાણે પુસ્તકના પાન

અર્પણમાં એકોએક ભાવ, ભાન, પ્રાધાન્ય

બાકી શું પછી શ્રી માથી અજાણ

ઢાંક્યું, સંતાડ્યું - શું એનાંથી છુપાય?

જો ઉદ્દેશ્ય ઉદ્દાત ને ઉત્તમને તૈયાર

તો શ્રી મા હાજરાહજૂર! સર્વકંઈ ઓગાળે તત્કાળ

બસ! નિષ્ઠાભર્યાં પ્રયત્નો પર્યાપ્ત

ને શ્રી ચરણોમાં હોમ લગાતાર...

પ્રભુ જ લઈ જાય દ્વૈત પાર...

શ્રી માતૃચરણે...

નવેમ્બર ૨૦૧૯

Flower Name: Anthurium andreanum

Flamingo flower, Flamingo lily, Oilcloth flower

Significance: Mastery of Sex

Instead of being dominated by sexual impulses, one must put them under the control of the highest will.

જુદા જ સ્તરેથી ચાલે વ્યવહાર...

ખરી તુજની કમાલ!

સંજોગ જ ન ઘટે જેમાં નુકસાન,

ખટાશ, ખટરાગ, ખોટને અવકાશ

કોઈક જુદા જ સ્તરેથી ચાલે વ્યવહાર

લેનદેનમય, પણ ઉમેરે પોતીકો સ્વભાવ

જાણે મુકામ ભણી વિશેષ વ્યવસ્થા ખાસ!

અદ્રશ્ય, સહયોગી, પોષતી પોષક સંભાળ

મુક સૂચનોથી દોરાતું અનન્ય પ્રયાણ

ને શેષ અન્ય મેળવે રોકાણ અનાયાસ!

અહો! દિવ્ય ભેટ જ! આ ને કેટલીય આમ!

ધન્ય ધન્ય અહીં ‘મોરલી’ તવ ચરણે સકળ સદાકાળ...

શ્રીમા-પ્રભો!

નવેમ્બર ૨૦૧૯

 

Flower Name: Sinningia speciosa

Florists’ gloxinia, Brazilian gloxinia, Violet slipper gloxinia

Significance: Balanced use of the Integral Power

In truth, power can only become integral when it is used in a balanced way

ડરથી ડરવું કે ...

અજાણનો ડર છૂપો ક્યાંક
સહૂલિયતને દે અગ્ર ક્માંક

નવું હશે તો છૂટશે આરામ
ટકાવવું ચીલાચાલું - સલાહ

ભલે કટાય બુદ્ધિ બળવાન
ખરચવી બધી મહીં ઘેટા-ઘટમાળ

ક્યાંની પ્રગતિ ને ક્યાંનો ન્યાય
કોને થયો અન્યાય, જરા વિચાર!

ખુદને તક આપવી નિઃસ્વાર્થ
સમસ્ત કલ્યાણ કાજે બિનઅપવાદ

નથી એ સ્વકેન્દ્રિત પણ એકાગ્ર પ્રયાસ
ડરથી ડરવું કે પોષવું સ્વ સ્વાયત્ત સ્વાસ્થ્ય?

પ્રભુ પણ ચૂંટે આ માર્ગ
નિર્ભય થઈ નીકળી ચાલ...ચાલ...ચાલ...

પ્રભો...

નવેમ્બર ૨૦૧૯

Flower Name: Solanum melongena

Egg-plant, Aubergine, Brinjal, Jew’s apple

Significance: Fearlessness in the Vital

Goes straight to its goal and fears no inclemency.

મેળવ્યા શ્રીકૃષ્ણ સાક્ષાત્ ...

સ્વર્ણચેતનાનો અંદેશો પામી સફરની થઈ શરૂઆત

જેલ મધ્યે શ્રીવિવેકાનંદે દર્શન દઈ સુણાવી વાણીવાક

એકાગ્ર અવિચળ અર્પણમાં એક એક કરી ચરિતાર્થ
પંડે ઝીલી પ્રત્યેક સ્થૂળ સુક્ષમ મર્ત્ય અમર્ત્ય કચાશ

ભેટે મૂક્યાં સઘળાં સિદ્ધિસિદ્ધ ઉપસ્થિતી ને માર્ગ
માનવ ઉદ્ધાર કાજે સરળતાથી સરકવા ચડાણ

વણથંભી જાણે! હજી...હજી...જ્યાં સુધી મેળવ્યા શ્રીકૃષ્ણ સાક્ષાત્
ચૈત્યતત્ત્વ જાગ્રત કરી જગવ્યા આત્માથકી મન મતિ પ્રાણ

ને વળી પાછી સફર આરંભી ઊતારવા કૃષ્ણને પળપળ જીવંતદ્રષ્ટાંત
સદી પૂર્વે આજ દિને શ્રી અરવિંદે મેળવ્યો એ જીવનનો સિદ્ધિ પ્રસાદ

તત્તપશ્ચાત જે જે જીવ સશક્ત તૈયાર, મેળવે એ અધ્યાત્મ મંડાણ
આજ નહીં તો કાલ, આ નહીં તો કોક ભવે આ ભાવિ નક્કી સર્વજાત

પ્રભુ, સિદ્ધિ દિને પ્રણામ...

નવેમ્બર ૨૦૧૯

Flower Name: Salvia farinacea

Mealy sage, Mealy-cup sage  

Significance: Krishna’s Light in the Overmind

The Overmind ready to be Divinised