જીતતા જીતતા જીવાડવાનું!

મા! હાથ ઊંચા, પહોળા થઈ આવકારે તમને

આ ભક્ત નિષ્ઠા, નેકદિલથી પોકારે તમને

આ જીવન કે પછીનું હશે? રાહ જોતા ક્યાં રહેવાનું!

અંદરનો સૂતેલો જાગ્યો પછી કોનું સાંભળો ને કોનું માનવું ગમવાનું!

રાજ, કર્મ ને જ્ઞાન સાથે પણ છૂપો ભક્ત જ જીવતો રહેતો,

ક્યારેક તો આત્મા માર્ગ ચિંધવાનો જ હતો  સાધનાનો એ જ તો એક રસ્તો!

અબઘડી સુધી તમારામાં મન, સંબંધ ને જીવન શોધતો પણ,

બધાયમાં તમ વાસ ને આશીર્વાદ! જેવો સાધક થઈ તમ ચરણમાં મૂકતો!

પ્રભુ! મા! તમ બંન્ને કે અન્ય! બઘા જ એક જ સર્વસ્વરૂપ!

પછી શેનું પસંદ કરવાનું કે તોલ-મોલ કે માપ-દંડથી ભજવાનું!

ગમે તે રાહ-રૂપ-સ્વરૂપ થકી અંતે તો સાચા પ્રેમી ભક્તને જ જીતવાનું!

હંમેશ મળે એને કરુણા, પછી પ્રભુ જ કરે પસંદ, 
એને ‘મોરલી’ જીત-સન્માનથી જીતતા જીતતા જીવાડવાનું!

આભાર...

-         - મોરલી પંડ્યા

માર્ચ ૧૦, ૨૦૧૪