આ નાનકડી વ્યક્તિ...

આ નાનકડી વ્યક્તિના દ્રષ્ટા-સખા સદા બનીને

તેં તો એમાં બ્રહ્માંડ ભરી દીધું,

આ જિંદગી આપીને એમાં સૂર્યપ્રકાશિત ચેતન ભરી દીધું...

આ નાનકડું મગજ વિસ્તારીને

તેં તો એમાં સમસ્તનું જ્ઞાન ભરી દીધું,

આ બુદ્ધિ આપીને એમાં સત્યપ્રકાશિત તેજ ભરી દીધું...

આ નાનકડું હ્રદય સક્ષમ આપીને

તેં તો એમાં તમસ્વરૂપ ભરી દીધું

આ અંતરઉજળું આપીને એમાં કરુણાપ્રકાશિત સાગર ભરી દીધું...

આ નાનકડા જીવને અપનાવીને

તેં તો એનું ધન્ય જીવન કરી દીધું,

આ જાગ્રતઆત્મા આપીને એમાં પ્રભુપ્રકાશિત શાંતિ-સ્થાપન કરી દીધું...

અહો પ્રભુ, પ્રણામ મોરલીના!

- મોરલી પંડ્યા

  માર્ચ ૨૨, ૨૦૧૪