કાળ ભવને કહેતો રહે ...

વહેતો રહે વહેતો રહે

કાળ ભવને કહેતો રહે

મૂકતો રહીશ સર્વાંશ અહીં

દર એક સફરે ભીતરથી જીવી

દર સમયનો વહેળ હશે

દર જન્મનો અલગ સમય હશે

મૂકતો જઈશ કર્તવ્યે અહીં

એ જ પૂર્ણતાની અભીપ્સા થકી

તું ઉત્ક્રાંતે નવનીત હશે

નવીન પ્રકારે રીત દેશે

મૂકતો રહીશ દિવ્યપ્રીત જડી

માંગ પ્રમાણે પણ પરમસ્થિત રહી

તું કરજે તારું કામ જે તે

હું(?) કરીશ મુજભાગનું મળશે જે જે

વહીશ પ્રસારી આતમપાંખ આગવી

ભરી પરમઉદ્દેશ ને શીખ દ્રષ્ટિવૃત્તિ

ને જો જે દીપી ખીલી ઉઠશે 

સમગ્ર સાંકળી ઉત્તરોત્તર ક્રમે

દર એક મહીં ને ભવ બાંધણી થકી

સુંદર મંગળ સાયુજ્ય ભર સમૃદ્ધિ...

પ્રભો...

જૂલાઈ ૨૦૨૦

Flower Name: Ocimum americanum [Ocimum canum]

Holy basil

Significance: Conquering Fervour

An ardour which fears no obstacles.