રમત જ એટલે રમે કે ...

નિમ્નસ્તરે પ્રકૃતિની હોય ખેંચ પકડ

વિરોધાભાસથી ઉપજાવે ધારી અસર

એક પછી બીજાની વારી ફેરબદલ

વારાફરતી વારા સુખદુ:ખની ઊતરચડ

ભલે અસ્થિર અણધારી પણ સૂચક 

પ્રકૃતિની સફરના લાભાલાભ અકળ

નીકળી શકે માનવી એ સ્તરમાંથી સમર્થ

જો સમર્પણમાં મૂકે અસ્તિત્વની દરેક ઘડત

પલટાય પ્રકૃતિ કારણ લક્ષ પરિવર્તન

રમત જ એટલે રમે કે જાગૃત થાય માનવ

ને બેધારમાંથી નીકળી સમજે સ્વ સક્ષમ

ને આત્મા નિર્દેશમાં રચે મહામૂલું જીવન

આત્મચેતના તો સદાય પ્રભુનું ઘર

વિના આવનજાવન સ્થિર સમ સ્વસ્થ

ચેતનાનાં એ સમત્વ સ્તરમાં પહોંચ

સુખદુ:ખની નથી હરીફાઈ કે દોડાદોડ

સ્થાયી સ્વાસ્થ્યવર્ધી શુદ્ધ સમતોલન

જીવનઉદ્દેશ્યને લગતું પૂર્ણ વાતાવરણ...

આ જ તો શ્વસન મર્મ...પ્રભુ!

નવેમ્બર ૨૦૧૯

Flower Name: Begonia

Significance: Perfect Balance

One of the most important conditions of a growing peace.