હોઈ શકે કોઈ ... મહાન?

નરી દ્રષ્ટિને જ દેખાતાં રૂપ, ઘાટ, પ્રકાર

અન્યથા સર્વકંઈ છે એક જ ને આરપાર

સળંગ વહેતો સરકતો વહેળો લગાતાર

પલટતો પલટાવતો પણ નિરંતર નિરાકાર

સમુચ્ચય જાણે એક મહીંથી ને એકાકાર

અથવા કહો કે ન કોઈપણ વિભાગી પ્રભાવ 

મનમતિ એ મૂકવું રહે વ્યાખ્યાયિત સ્થાન

ને તેથી નામકરણ ને સમજનો આ પ્રતાપ

સમય આવ્યે એ પણ ઓગળશે સદાય

ને છતાંય વહેળો તો એમ જ નિર્બાધ અનાયાસ...

શાશ્વતી સામે હોઈ શકે કોઈ સર્જન મહાન?

પ્રભો...

ફેબ્રુઆરી ૨૦૨૦

Flower Name: Acalypha wilkesiana

Jacobs-coat, Copperleaf, Fire-dragon

Significance: Continuity

Rich, abundant, persistent