...જાણે પ્રવાહી...

ઉર્ધ્વેથી દોડી, ઊતરી આવતી શાંતિ

શ્વેત મલમલી અલ્હાદ દેતું જાણે પ્રવાહી

મસ્તિષ્કે શાતા ધરી કરી મૂકે ખાલી

વિસ્તરે ઇન્દ્રિયો મધ્યે એક એકની પછાડી

કંઠે પધારી વાક ઉદ્ગારે નિવાસ પામી

છાતી મધ્યે માતૃચરણે મેળવે સંગસંગાથી

નાભિ પ્રદેશેથી પોષે પૂરે સર્વ મંગળકારી

વધુ નિમ્નસ્થાનોએ પ્રચંડ પ્રભાવ શુભદાયી

હસ્ત-પાદ બેલડીમાં ભરે ઉર્જા ઠાંસીઠાંસી

પ્રભુકર્મો અર્થે કરે તૈયાર અસ્તિત્વ સર્વાંગી...

પ્રભો...

ફેબ્રુઆરી ૨૦૨૦

Flower Name: Ixora thwaitesii

White ixora

Significance: Peace in the Cells

The indispensable condition for the body’s progress